Најплатениот јутјубер во 2020 година има само 9 години

Деветгодишниот Рајан Каџи е најплатениот јутјубер трета година по ред, заработувајќи неверојатни 29,5 милиони долари.

Рајан со оваа заработка ги победи сите постари ѕвезди на оваа платформа и цврсто се задржа на позицијата најплатена ѕвезда.

Малиот Каџи на платформата Јутјуб има 27,9 милиони следбеници, а парите кои ги заработува се само капка во морето на неговото богатство.

Имено, тој има свој бренд на играчки и облека во вредност од 200 милиони долари, а неодамна потпиша договор вреден неколку милиони долари со телевизиската компанија Никелодеон, која наскоро треба да ја прикажува неговата серија.

Рајан прави рецензии на играчки на Јутјуб, а своето прво видео го направил во 2015 година откако видел врсник на Јутјуб и и се пожалил на мајка му дека и тој треба да биде на платформата како и другите деца.

Неговото семејство (кое го смени вистинското презиме Гуан во презимето на каналот – Каџи) сега има девет канали на Јутјуб. Најпопуларното видео на Каџи, „Огромниот јајце изненаден играчки предизвик“, има повеќе од две милијарди прегледи, што го прави едно од 60-те најгледани видеа на YouTube.