Најновиот хибрид на орхидеја го доби името според првата дама на Индонезија Ириана Јокови

На пригодна церемонија во Националната градина на орхидеи во Сингапур беше промовиран нов хибрид на орхидеја, која го доби името споед првата дама на Индонезија Ириана Јокови. На церемонијата присуствуваше госпоѓата Ириана, во придружба на повеќе министри и угледни личности од Сингапур и Индонезија.

Орхидејата „Ириана Јокови’’ има цветови во висина од 5,6 сантиметри во просек, а цутот е со светлива црвеникаво – виолтова боја. Пупките и лисјата се во рамки со кафеави линии.

Сингапур е најголем извозник на орхидеи во светот,а најголем дел од нив сингапурците ги произведуваат на плантажи во соседните држави, од каде секојдневно со авиони се носат во Сингапур, а од тамо тргнуваат на пат кон Европа и Америка.

Првата дама на Индонезија пред новинарите изјавила дека таа ќе порачува букети орхидеи сонејзиното име да се испраќаат до сопругите на претседатели на држави и влади со кои Индонезија има пријателски односи, а тоа значи дека еднаш во неделата првите луѓе на над 200 држави преку цвеќето и сопругите ќе добиваат пријателски дипломатски пораки.