Најмалку 10 загинати при уривање на станбена зграда во Каиро

 - Најмалку 10 лица загинаа денеска при уривање на петкатна станбена зграда во сиромашен кварт на египетскиот главен град Каиро, јави ДПА.

Од под урнатините на зградата во квартот Маншиет Насер, спасувачките екипи досега извлекоа тела на 10 загинати луѓе, како и 12 преживеани, кои се пренесени во блиската болница.

Акцијата за потрага по други преживеани лица под урнатитните продолжува.

Засега не е познато кои се причините за уривањето на зградата, а нема ни информации колку лица се наоѓале во неа во тоа време.

Во Египет изминативе години имаше неколку случаи на уривање на станбени згради, пред се во посиромашните населби, а како причина за тоа беа посочувани староста на објектите, користењето на неквалитетен материјал за градба и непочитувањето на градежните норми при нивната изградба