Набљудувачка на ОБСЕ подложена на сексуално матретирање во Источна Украина

Набљудувачка на Организацијата за безбедност и соработка на Европа (ОБСЕ) била подложена на сексуално малтретирање од страна на вооружен маж во Источна Украина. 

- Маж вооружен со автоматско оружје сексулано малтретирал жена од патрола, заплашувајќи ја дека ќе ја спречи да замине на исток, доколку не ги задоволи неговите барања, стои во соопштението на ОБСЕ. 

Во текстот не се наведува кога се случил настанот, туку само дека набљудувачката патрола ја напуштила зоната и заминала по друг пат. 

Анонимна претставничка на ОБСЕ ја потврди информацијата, наведуајќи дека тоа се случило на територија под контрола на сепаратистите. 

Околу 600 набљудувачи на ОБСЕ следат како се одвива почитувањето на договорот за мир во Источна Украина.