На Земјата ѝ се закануваат 950 астероиди, доколку удрат во градови би предизвикале катастрофа

Американската научна агенција НАСА предупредува дека на нашата планета ѝ се закануваат дури 950 астероиди кои потенцијално можат да предизвикаат катастрофа во случај на удар во Земјата.

 

Алармантно предупредување изнесе и експерт од НАСА за планетарната безбедност. 

 

Во кругот од околу 50.000 километри околу Земјата се наоѓаат повеќе од 10.000 астероиди со големина како фудбалски терен. Дури 950 од нив се толку големи што можат да предизвикаат глобална катастрофа. Астероидите и предметите со должина од 140 метри и поголеми можат да доведат до катастрофа, а такви ги има дури 8.303.

 

Доколку тие удари се случат во градовите, тоа би предизвикало голема катастрофа каква што не можеме да замислиме. Но, ако се промени брзината на астероидите само за 1 % може сè да се промени. Особено ако тоа се направи пред самиот удар, астероидот ќе ја промени својата орбита и нема да биде повеќе закана.