На унгарските бездомници од денеска им е забрането да спијат на јавен простор
Во Унгарија денеска стапува во сила Законот со кој им се забранува на бездомните лица да спијат на јавен простор.
Уставниот амандман, кој беше усвоен од страна на Парламентот на 20 јуни по иницијатива на унгарската Влада, го заострува законот од 2013 година со кој се казнува спиење на јавен простор..
Бранителите на човекови права коментираат дека заканата од затвор за сторителите не е веројатно дека ќе го реши проблемот со луѓето што спијат на улиците и велат дека се потребни повеќе пари за да се спречи појавата на нови бездомници и овозможување покрив над главата за нив.
Според неофицијални податоци, во главниот град Будимпешта, има 30.000 бездомници. Унгарската Влада тврди дека има 9.800 места за преспивање во социјалните центри и веќе одобри 9,1 милијарди форинти (32,2 милиони долари) за помош на бездомниците.
Во јуни, известителот на ОН за домување Лејлани Фарха ја опиша подготвената мерка против бездомниците на Унгарија како „сурова и неспоива со меѓународниот закон за човекови права".
Ново на Сител
-
Управен суд ја запре постапката за жалбата на коалицијата Вреди
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците