На продажба накит на Имелда Маркос вреден 21 милион долари
Голема колекција накит која припаѓаше на првата дама на Филипини, Имелда Маркос, наскоро ќе се најде на аукција, јавија денеска локалните медиуми.
Вредноста на накитот кој ќе биде понуден на аукција проценет е повеќе од 21 милион долари.
Накитот е конфискуван откако во 1986 година е симната филипинската Влада на чело со сопругот на Имелда, Фердинанд Маркос, јави британски Би-Би-Си.
На филипинските власти им се брза да го продадат накитот, затоа што се плашат дека синот на поранешниот претседател Фердинанд Маркос Јуниор, познат и како Бонгбонг Маркос, на изборите во мај може да стане потпретседател на државата и да ја прекине продажбата на накитот на неговата мајка.
Се проценува дека семејството Маркос и нивните најблиски соработници за време додека биле на власт собрале недвижнини, накит и готовина и друг имот во вредност од дури десет милијарди долари.
Имелда Маркос секогаш ги негираше обвинувањата за проневера на државни средства и се обиде да ја спречи продажбата на нејзиниот накик на аукција. Таа во средината на 90-тите години од минатиот век е прогласена за виновна за корупција и осудена најмалку на 12 години затвор, но после приложената жалба, пресудата била поништена.
Ново на Сител
-
Русија и Украина разменија по 1.000 воени заробеници
-
Двајца затвореници од Идризово барале „рекет“ од мајка на друг затвореник за негова „гаранција и заштита“
-
Претрес во дом на лице кое нападнало полицајци, пронајдена бела прашкаста материја
-
19-годишник од Кавадарци и ја украл ташната на постара жена, при што ја турнал и ја повредил
-
Таравари го разреши Арбен Фетаи од партиската функција
-
Украина со апел до меѓународната заедница: Запрете ја Русија
-
Пад на вредноста на доларот поради намалување на кредитниот рејтинг на САД
-
Алкалоид го пречекува АЕК во реваншот од финалето на ЕХФ Европскиот куп