На крузерот во Јапонија 12 заразени се Американци
Вкупно 12 Американци се заболени од новиот коронавирус во крузерот „Дајмонд принцес“ закотвен во Јапонија, а од вирусот почина првиот Американец, јави дописникот на МИА од Вашингтон.
Дванаесетте Американци се дел од вкупно 63 патници кои се наоѓаат под карантин во крузерот и се заболени од вирусот. Бродот е еден од неколкуте настрадани од епидемијата на смртоносниот коронавирус, со што многу крузери објавија карантин и извршија тестирање и преглед на патниците. Многу пристаништа не дозволуваат влез за овие бродови поради страв од ширење на вирусот.
Во меѓувреме, 60-годишен Американец кој се наоѓал во Вухан, градот од каде пред три недели се прошири епидемијата почина од заболувањето. Тој почиа во четвртокот, а информацијата синоќа ја пренесе кинеската амбасада во Вашингтон.
Американскиот државен секретар Мајк Помпео синоќа испрати сочувство до родиините и пријателите на починатиот државјанин на САД.
Владата, пак, вчера, со три патнички авиони кои полетаа од Кина, од Вухан успешно евакуира околу 800 американски државјани, лица со постојан престој и нивни најблиски, изјави Морган Ортагус, портпарол на Стејт департментот. Сите треба да поминат двонеделен карантин и прегледи од специјалисти на Центарот за контрола и спречување на болести на САД. Исто така и Канада вчера успеа да евакуира 200 канадски државјани од Кина.
Според најновите податоци, вкупниот број на почината од коронавиросот го надмина бројот на починатите од САРС и во моментов е 804. Коронавирус е од истото семејство на смртоносни вируси како САРС (кратенка од „остар акутен респираторен синдром“) од кој во 2003 година во текот на осум месеци беа заразени околу 8 илјади лица, а 774 починаа.
Ново на Сител
-
ДИК прифати 7 приговори - Ќе се прегласува во Крушево, Охрид и Желино
-
Дом за стари лица во Прилеп инсталираше фотоволтаични панели
-
Преглед на вестите од светот
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица