ОН: На Хаити е катаклизмична ситуацијата
Ситуацијата на Хаити е „катаклизмична“ со 1.554 смртни случаи во првите три месеци од годинава, предупредија денеска Обединети нации, укажувајќи дека „порозните граници“ го олеснуваат снабдувањето со оружје и муниција на бунтовниците кои, борат за уривање на власта.
На Хаити неколку вооружени групи се борат да ја соборат Владата на премиерот Ариел Анри, кој прифати да поднесе оставка во егзил на 11 март. Идниот претседателски совет, кој треба да ја преземе власта, вчера вети дека ќе го врати редот и демократијата.
Високиот комесар на ОН за човекови права, Волкер Турк во извештајот напиша дека корупцијата, неказнивоста и лошото владеење го поткопале владеењето на правото на Хаити и ги довеле државните институции на работ на колапс.
Тој наведе дека бројот на убиени и повредени во борби, грабежи и продолжено насилство е значително зголемен од 2023 година, кога биле регистрирани 4.451 убиен и 1.668 повредени. Во првите три месеци од годинава загинале 1.554, а повредени 826.
Паралелно со засилувањето на насилството на бандите и слабеењето на полицијата, се појавија „бригади за самоодбрана“ кои „делат правда“.Во 2023 година имало најмалку 528 случаи на линч, а годинава 59.
Некои убиства беа спонтани, додека други беа поттикнати, поддржани или олеснети од полицајци и членови на антивладината борбена коалиција Г9 и нејзините сојузници, се наведува во извештајот.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време