-->
-->
На езерото „Младост“ се гради спортска патека за крапски риболов во Македонија
-->
Градоначалникот Славчо Чадиев заедно со пратеникот во Собранието на Р. Македонија Илија Димовски, денеска направија увид на градежните работи на бреговите на езерото Младост, владин проект од 5 милиони и 800 илјади денари преку Управата за рурален развој.
Паралелно со средувањето на бреговите на езерото „Младост“ во тек е изградба на патека за спортски натпревари во крапски риболов,прва од ваков вид во Македонија. Проектот кој е според сите европски и светски стандарди се реализира во партнерство со Риболовната федерација на Македонија и со Спортските риболовни друштва од Велес: „Бабуна“ „Кркушка“ и „Металург“.
Нивни претставници денеска одржаа средба со градоначалникот Чадиев и пратеникот Димовски и се договараа за пооделни детали кои им се неопхдни за натпреварите.Спортските риболовци воедно најавија дека планираат во мај годинава да го одржат и првиот натпревар во крапски риболов.
Како што информира градоначалникот Славчо Чадиев, на езерото „Младост“ ќе бидат поставени клупи, корпи за отпадоци и летниковци, а ќе се продолжи и патеката за рекреативно трчање покрај езерото „Младост“.
- Овие проекти се дел од низата активности што Општина Велес ги презема за подигнување на атрактивноста на езерото „Младост“ и создавањето услови за тоа да прерасне во вистински туристичко-рекреативен центар за домашните и странски туристи,потенцира Чадиев.
Воедно информира дека во прилог на овој проект ќе се изгради и мото-крос патека, за што веќе е изработен проектот, а утврдена е и локацијата.
-->
-->
-->
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата