На „Ало докторе“ 1.280 повици изминатата недела

Вкупно 1.280 повици се регистрирани на телефонската линија за медицински совети „Ало докторе“  во изминатите  седум  дена.

Јавувањата најчесто се за совети поврзани со респираторни симптоми, кардиоваскуларни, главоболки, покачена телесна температура, кашлици  и симптом на болка.

На  лицата  кои  побарале  здравствена помош им е даден  медицински  совет и соодветна симптоматска  терапија.

На линијата, која е отворена секој ден  24 часа, непосредна медицинска консултација во моментот на појава на какви било симптоми на нарушување на здравјето може да се добијат од 25  доктори кои се достапни за  јавувањата од граѓани од сите градови на Македонија. 

Од воведувањето од 15.09.2014 досега на линијата „Ало докторе“  02/15 123  за медицински совет  се регистрирани вкупно 138.790 повици.