МЗТ ја доби организацијата на завршниот турнир од АБА 2 лигата

Македонскиот кошаркарски клуб, МЗТ Скопје ја доби честа да го организира завршниот турнир од Втората АБА лига на кој ќе настапат најдобрите 8 екипи од ова натпреварување.

Натпреварите ќе се играат од 13-ти до 17-ти април во салата Ј.Сандански.

„Ова е голема обврска и чест за нашиот клуб, но истовремено и огромна шанса на домашен терен и со голема поддршка од трибините да се направи конечниот исчекор кон враќање меѓу најдобрите тимови во регионот. Аеродром и нашиот клуб ја добија пресметката со Сараево, кој исто така беше максимално заинтересиран и беше сериозен конкурент во битката за улогата домаќин на најдобрите осум тима во НЛБ АБА2-лигата“, велат од таборот на актуелниот македонски шампион.