МВР: Пронајден женски леш, се утврдува идентитетот

Непознат женски леш околу 13 часот е пронајден во близина на улицата Скупи, потврдуваат од МВР за Курир.

Како што информираат од Министерството женското тело е пронајдено на местото каде реката Серава се влева во Вардар и се работи на негова идентификација, како и на причините за смртта.

Од МВР се уште нема официјална потврда дали пронајденото женско тело е на исчезнатата професорка Снежана Тројачанец по која цело Скопје трагаше два дена.

Предмалку, на социјалните мрежи беа објавени неколку статуси од блиски роднини на Снежана преку кои информираа дека жената била пронајдена почината во Вардар.