Музички перформанс за мултикултурно соединување во Струга

Во Центарот за култура „Браќа Миладиновци“ во Струга вечер ќе се одржи музички перформанс „Еволуција на музиката од среден век до модерно време“, проект на Здружението за развој на културно-уметнички вредности ТАКТУС од Охрид и државното музичко училиште „Тодор Скаловски-Тетоец“ од Струга.

Се работи за едукативен музички перформанс за развојот на музиката низ вековите, чија цел е мултикултурно и мултиетничко соединување на народите. Ќе учествуваат ученици од различни културни и етнички групи.

Проектот се реализира со грант на „Декада на припадност – славење на различностите“ и треба да покаже пример за меѓуетничка соработка, комуникација, разбирање и славење на различностите преку универзалниот јазик – музиката.

Финансиран е од Европската Унија, Локалната агенција за развој од Струга и здружението Креативни и активни од Струга.