Мурињо нуди 200 милиони за Нејмар

Менаџерот на Манчестер Јунајтед, Жозе Мурињо, како што пренесува каталонскиот весник Sport, бил подготвен да ја активира откупната клаузула во договорот на Нејмар која изнесува неверојатни 200 милиони евра.

 

Истиот извор наведува дека Манчестер Јунајтед е подготвен да му понуди годишна плата на Бразилецот од 25 милиони евра, што е многу повеќе од 16 милиони евра колку што заработува во Барса и „10-ката “ на Вејн Руни, кој по завршувањето на сезоната ќе го напушти клубот.

 

Нејмар неодамна го продолжи договорот со Барселона до 2021 година, но Sport пишува дека доколку ваква понуда за Бразилецот пристигне на „Ноу Камп“, дека никој во клубот нема да остане рамнодушен.