Му го попречиле патот, па го нападнале со бекатон плочки

По недоразбирање во сообраќајот двајца скопјани го попречиле патот на таксист и го нападнале, притоа со бекатон плочки му го удирале возилото, а еден од нив го удрил и таксистот, по што тој завршил во болница.

„Рано утринава во 03 часот и 40 минути било пријавено дека на улица „Анастас Митрев“ поради недоразбирање во сообраќајот, на Ф.Д.(37) од Скопје кој управувал такси возило со скопски регистарски ознаки, му било попречено движењето од патничко моторно возило „пасат“ со скопски регистарски ознаки, управувано од М.Н.(30) кој бил заедно со А.Д.(34), двајцата од Скопје.

Потоа, според пријавеното, М.Н и А.Д. излегле од возилото и почнале со бекатон коцки да удираат по такси возилото. Притоа, Ф.Д. со возилото го удрил М.Н., кој бил пренесен во Комплексот клиники “Мајка Тереза“ за укажување на лекарска помош“ велат од полиција.

Се преземаат мерки за расчистување на случајот.