Москва веќе ја смета украинската област Херсон за дел од Русија
Рускиот вицепремиер Марат Хуснулин синоќа ја посети областа Херсон во јужниот дел на Украина, притоа изјавувајќи дека таа ќе заземе вредно место во руското семејство.
Регионот околу пристанишниот град ќе заземе „вредно место во нашето руско семејство“, рече Хуснулин.
Од 1 мај во тој украински регион Русија ја воведе руската рубља како официјална валута, а пред неколку дена локалната власт инсталирана од Русија ги објави плановите да побара од Москва право да стане дел од Руската Федерација.
Регионалниот проруски вицепремиер Кирил Стремусов рече дека нема да има референдум и нема опција регионот да стане република. Неодржувањето на референдумот го оправда со тоа што изјаснувањето на населението од полуостровот Крим одржано во 2014 година, не е меѓународно признаено.
Од друга страна, украинската Влада е убедена дека русификацијата на регионот Херсон нема да успее.
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице