МО на Виетнам: Министерот за одбрана е жив

Министерството за одбрана на Виетнам негираше извештаи на западни медиуми за тоа дека починал виетнамскиот министер за одбрана Фунг Куанг Тан (66) во клинина во Франција.

- Министерот е добро и наскоро ќе биде во својата држава, изјави заменикот началник на виетнамската армија генерал Во Ван Туан.

Тој рече дека вчера зборувал со министерот по телефон.

Германската агенција ДПА јави повикувајќи се на анонимен воен извор, дека виетнамскиот министер за одбрана починал по операција на рак на белите дробови во болницата Жорж Помпиду во Франција.