Мјанмар ќе ослободи повеќе од 5.600 лица уапсени поради протестите
– Мјанмар ќе ослободи од затвор повеќе од 5.636 лица уапсени поради нивната улога во протестите против владејачката хунта, јави денеска државната телевизија, преку која водачот на хунтата, генерал Мин Аунг Хлаинг, изјави дека владата работи за мир и обнова на демократијата.
Амнестијата е одлучена поради хуманитарни причини, се вели во соопштението во кое илегалните опозициски групи се обвинуваат за поттикнување на немирите.
Шефот на воената хунта во Мјанмар и извршителот на превратот, Мин Аунг Хлаинг, ја бранеше улогата на неговата воена влада, за која вели дека се обидува да воспостави ред и мир, и ја обвини опозицијата за насилство.
– АСЕАН треба да го знае ова, рече генералот како одговор на одлуката на Алијансата на земјите од Југоисточна Азија да го исклучат од списокот на учесници на самитот што ќе се одржи следната недела.
Во телевизиско обраќање, водачот на државниот удар повтори дека хунтата презема чекори во процесот за враќање на демократијата, но за некои од барањата на специјалниот пратеник на АСЕАН не може да се преговара.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд