Митов: Бугарија со нетрпение очекува западен Балкан да стане дел од ЕУ

Бугарија со нетрпение го очекува приемот на земјите од западен Балкан во ЕУ, изјави бугарскиот министер за надворешни работи Даниел Митов во обраќање на меѓународната конференција „ЕУ во промена на глобалното опкружување: Што е следно за соседите на Европа - Бугарската перспектива“. 

- ЕУ нема да биде целосна и комплетна без нашите соседи и пријатели, истакна Митов пред присутните на собирот во Софија.

Како што јави БТА, тој нагалси дека земјите од западен Балкан треба да минат долг и тежок пати и да спроведат крупни и непопуларни реформи, па затоа мора да се мотивираат во тоа, иако е најавено дека во следните пет години нема да има проширување на Унијата.  

- Потребно е поголемо присуство на Европската комисија и на дрважите-членки (на ЕУ) и поголема помош кога станува збор за експертски знаења и исксутва. Затоа треба да ги користиме регионалните формати, потенцира Митов, нагласувајќи го при тоа значењето на развојот на добрососедските односи. 

На конференцијата присуствуваше и високиот преставник за надворешни политика и безбедност на ЕУ, Федерика Могерини, која нагласи дека процесот на проширување на Унијата е во постојано движење и дека Брисел им дава целосна поддршка на земјите од регинот на европскиот пат.

- Во следните четири години и неколку месеци треба да работиме со цел државите да се подготват (за членство во ЕУ), потенцира Могерини.