Митков: Им посакувам се најдобро на соиграчите

Влатко Митков синоќа го одигра последниот меч во дресот на ракометната репрезентација на Македонија која со убедливата победа над Чешка 33-20, се пласира на завршницата на Европското првенство во Хрватска следната година.  

35-годишниот Митков кој беше еден од столбовите во одбраната на црвено-жолтите и дел од сите успеси на машкиот репрезентативен ракомет доби пригоден подарок од претседателот на Ракометната федерација на Македонија, Живко Мукаетов.  

Митков во дресот на Македонија настапи на 92 натпревари, а со синоќешниот еден гол против Чешка, за македонската репрезентација постигна вкупно 79 голови.

По дуелот Митков изјави:

- Мислам дека момците ќе остварат добар пласман на ЕП, а јас им посакувам се најдобро. Инаку, за самиот дуел со Чешка знаевме дека ќе биде тешко, а селекторот Раул истакна дека првите 15 минути ќе бидат најтешки и дека мора да ги одиграме најдобро.