Министри на Русија и Германија разговарале за транзит на гас преку Украина

Рускиот министер за енергетика Александар Новак телефонски разговарал за транзит на руски гас преку територијата на Украина со германскиот министер за енергетика Петер Алтмаер, соопшти руското Министерство за енергетика.

– Министрите за енергетика имаа конструктивни разговори, за разни прашања од билатералната соработка и интеракција со трети страни, вклучувајќи ги и понатамошните изгледи за транзит на руски гас преку територија на Украина, стои во соопштението.

Други детали за разговорот не се соопштени.