Министерот за правда на САД ќе ја смени одлуката за легализација на марихуаната

 Министерот за правда на САД Џеф Сешанс планира да ја промени политиката од времето на претходниот американски претседател Барак Обама, која овозможи легализација на марихуаната во повеќе сојузни држави.  

Сешанс, во сојузните држави кои ја легализираа марихуаната, ќе им дозволи на федералните обвинители сами да одлучат колку строго ќе го спроведуваат федералниот закон за забрана на марихуаната.

Тоа најверојатно ќе предизвика конфузија, бидејќи нема да биде јасно дали е легално да се одгледува, купува и користи марихуаната во сојузните држави кои тоа го дозволиле, а федералниот закон го забранува.

Во Калифорнија има легална продажба на марихуана во „рекреативни цели“.

Според анкетите, поголемиот број Американци сметаат дека марихуаната треба да биде легална. 

Сешанс претходно марихуаната ја спореди со хероинот и смета дека предизвикува насилство.