Министерот за надворешни работи на Унгарија Сијарто утре во Македонија
Министерот за надворешни работи и трговија на Унгарија Петер Сијарто утре ќе престојува во официјална посета на Република Македонија на покана на шефот на македонската дипломатија Никола Димитров.
Како што соопшти МНР, во рамките на посетата, предвидено е министерот Сијарто да биде примен од претседателот на Република Македонија Ѓорге Иванов, од претседателот на Собранието Талат Џафери и од претседателот на Владата Зоран Заев. Тој ќе оствари средби и со замениците на претседателот на Владата на Република Македонија, Бујар Османи и Кочо Анѓушев.
На средбата на Сијарто со Димитров, ќе се разговара за билатералните односи, европската и евро-атлантската интеграција на Република Македонија, како и за внатрешно-политичката состојба во нашата земја и односите со соседите. Исто така, ќе бидат разменети и мислења за актуелните регионални и меѓународни прашања.
За време на посетата, предвидено е потпишување на Акциски план за соработка меѓу Министерството за надворешни работи на Република Македонија и Министерството за надворешни работи и трговија на Унгарија за 2018 година, кој предвидува конкретни форми и активности за натамошна соработка меѓу двете министерства.
Ново на Сител
-
Сиљановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата