Минимален пораз на младите ракометраки

Женската младинска ракометна репрезентација на Македонија (селекција до 19 години) попладнево го загуби натпреварот од Португалија со 27:26 (13:15) на Европското првенство што се одржува во Валенсија, Шпанија. Ова беше дуел од групата за пласман од 13-16 место и по поразот нашите ракометарки утре во натпревар за 15.место ќе играат против Литванија, која денеска загуби од Белорусија со 28:24.

На полувремето нашата репрезентација водеше со 15:13, но повторно лошиот страт на вториот дел и серијата од 5:1 на противничките ја однесе нашата селекција во негатива. Во последните десет минути резултатот беше постојано изедначен и двете репрезентации имаа минимално водство. Во последната минута по нашиот нереализиран напад, Португалија преку Марија Рамос стигна до победата од 27:26.

Кај Македонија Сара Ристовска со 10 голови беше најефикасна, додека Теодора Керамитчиева постигна 6.

Инаку во борбата за медалите вечерва во полуфиналето ќе играат: Русија – Унгарија и Шведска – Данска.