Бизнис
27. May 2016 - 20:41

Минчо Јорданов повеќе не е најбогат Македонец- Форбс ја објави листата

По три години на тронот, Јордан Камчев го турна Минчо Јорданов од првото место на најбогати, пренесува 24Вести. Форбс го рангираше Камчев за најбогат Македонец.

Во овогодинешната листа на најбогати што ја објави угледниот економски весник Форбс насловена како младоста го победи искуството има рокада во топ петте најбогати.

1. Со 22,8 милиони евра вредност на компаниите во сопственост на Јордан Камчев како што се Кара, Орка, Стопанска банка Битола, Бетон Штип. Камчев изби на првото место на најбогати, пренесува телевизијата.
 
2. На второ место со 22,5 милиони евра колку што чинат Макстил, Бетон и Факом. Кралот на челикот Минчо Јорданов, падна на второ место, пренесува 24Вести.
 
3. Со вкупната вредност на акциите на Макпетрол и Олико од 20 милиони евра Форбс го рангираше Андреја Јосифовски на третото место.
 
4. На четврто место со вредност од 13,3 милиони евра на Прилепска Пивара и сопственост од контролниот пакет на акции од 74% е Сашо Самарџиски.
 
5. На петто последно место со 9,8 милиони евра колку што чини Алкалоид според вредноста на акциите се најде Живко Мукаетов.
 
Според висината на остварените приходи во 2014 година во топ 10 се најдоа Џонсон Мети со приход од 936 милиони евра, повеќе од двојно помалку или со приход од 394 милиони евра на второто место е ЕВН, на трето Окта, Макепетрол, ЕЛЕМ, Фини индустри, Македонски Телеком, Лукоил, Т- мобил и Алкалоид.

Популарно од Бизнис

Ново на Сител

© 2026 Сител Телевизија