Мицкоски: Разговараме со сите политички партии, отворени опции и за пред и за постизборни коалиции
ВМРО-ДПМНЕ разговара со сите политички партии и доколку има сврзна точка и најде заеднички интерес кој ќе конвенира со интересот на граѓаните не постои пречка да потпише договор за предизборна коалиција, изјави денеска лидерот на партијата Христијан Мицкоски.
Тој потенцира дека комуницираат со сите партии, прашан дали имаат контакти со ДУИ и дали има некакви условувања. -На нивото на кое комуницирам со ДУИ не постои таков тип на комункација, рече Мицкоски.
-Разговараме со многу политички партии. Апсолутно разговараме и ќе продолжат разговорите со политичките партии. Доколку имаме сврзна точка доколку наједеме заеднички интерес кој ќе конвенира со интересот на граѓаните на Македонија апсолутно не гледам никаква пречка да потпишеме договор и предизборна коалиција, но да оставиме и простор понатаму да ги донивелираме ставовите доколу има некои разединувања во постизборна коалиција после победата на предвремените парламентарни избори, истакна Мицкоски.
Посочи дека се фокусирани на политиките и понудата што ќе ја даде ВМРО-ДПМНЕ и изрази загриженост од лошата ситуација во која се наоѓа државата на економски и политички план и оти ќе се обидат да понудат нешто што на краток рок ќе биде офанзивно и ќе донесе резултати.
За конкретни имиња за техничката влада рече дека се уште не се одлучиле.
За законот за јавно обвинителство, измените во изборниот законик и изборот на државен ревизор рече дека разговорите течат и оти е оптимист дека тие теми може да се затворет пред предвремените парламентарни избори.
Прашан за најавениот протест на земјоделците и обвинувањата дека стојат зад него, Мицкоски кажа дека „ВМРО-ДПМНЕ стои зад интересите на земјоделците и политиките за подобра иднина на земјоделците, а СДСМ и министерот нека обвинуваат, но тие стојат зад погрешните политики што ги доведоа земјоделците на питачки стап“.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот