Мицкоски: Не гледам криза во Собранието која би предизвикала предвремени избори

Претседателот на Владата, Христијан Мицкоски, денеска изјави дека блокадата на носењето закони со Бадентер во Собранието од страна на ДУИ не може да предизвика предвремени парламентарни избори. Мицкоски рече дека не гледа криза и дека власта има стабилно мнозинство.

-Не. Не гледам криза. Ние имаме стабилно мнозинство. Не мислам дека тоа претставува каква било криза - рече Мицкоски. Ќе ве потсетам, додаде тој, „дека на скали избраа претседател на Собранието“.

Со процедурални забелешки ДУИ го блокира носењето закони во Собранието пред одморите. Иако заврши расправата за некои закони за кои беше потребен Бадентер, односно гласање на пратениците од немнозинските заедници, како за Законот за правичната застапеност, на пример, за нив не се гласаше.

МИА