Мицкоски: На Фон дер Лајен ќе и кажам дека ова е Македонија, и ова е македонски народ со своја традиција

Лидерот на ВМРО-ДПМНЕ, Христијан Мицкоски кажа дека неговата партија нема да поддржи промена на Уставот, по што одговараше на новинарски прашања.

Мицкоски доби прашање за тоа што ќе ѝ каже на Урсула Фон дер Лајен, која утре ќе се обрати во македонскито парламент.

„Дека ова е Македонија, ова е македонски народ со своја традиција, дека ова е македонски народ кој со векови се борел за своја сопствена држава, има своја култура која што е со векови, кој говори македонски јазик и е горд затоа што говори македонски јазик и е горд затоа што е македонски народ кој живее во својата Македонија“, вели Мицкоски.

Мицкоски кажа дека Власта веќе го прифатила предлогот затоа што не се грижи за македонскиот идентитет, туку за нивната политичка кариера.