Мезиер: Делумна забрана за бурките во Германија

Томас де Мезиер, германскиот министер за внатрешни работи денеска повика на делумна забрана на бурките, поточно - во образовните установи и во администрацијата, пренесе ДПА.

- Сите сме согласни да ги отфрлиме бурките, сите сме согласни во тоа дека се стремиме со закон да го воведеме принципот - лицето да се покажува таму каде што тоа е неопходно за нашето општество - зад воланот, во канцелариите, училиштата, универзитетите, во јавниот сектор, пред суд, нагласи министерот за телевизијата ЗДФ.