Меркел: САД треба повеќе да се ангажираат во бегалската криза
Германскиот канцелар Ангела Меркел ги повика САД да примат повеќе баратели на азил, во момент кога Европа се мачи да се соочи со најголемиот прилив на мигранти од Втората светска војна, јави ДПА.
- Не изгледа сосема реално Европа сама да се соочи со оваа ситуација, без помош од САД, рече Меркел пред пратениците на нејзината Христијанско-демократска унија и на коалицискиот партнер, баварската Христијанско-социјална унија.
Таа нагласи дека САД можат да преземат повеќе бегалци од Сирија, како и да ги подобрат условите за живот на Сиријците во бегалските кампови во Либан, Јордан и Турција.
Меркел истакна дека не очекува брзо решавање на бегалската криза на утрешната вонредна средба на лидерите од Европската унија.
- Решение нема да се најде веднаш. Потребни ни се трпение и издржливост, додаде таа.
Германија е земја во Европа, која прими најмногу азиланти, при што се очекува до крајот на годината нивната бројка да достигне рекордни милиони лица.
САД објавија дека ќе примат најмалку десет илјади сириски бегалци во текот на фискалната 2015-та година, која почнува следниот месец. Тие лица ќе бидат дел од вкупно 85 илјади бегалци, кои се очекуваат во САД од целиот свет оваа година.
Белата куќа вчера соопшти дека одделува дополнителни 419 милиони долари за хуманитарна помош за сириските бегалци, со што американската помош достигна 4,5 милијарди долари.
Ново на Сител
-
Гостивар: Двајца возачи се судриле со три паркирани возила
-
Иран ќе гради ѕид на границата со Авганистан
-
Калињак: Словачкиот премиер Фицо е надвор од животна опасност
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата