Меркел: Лидерите од ЕУ бараат да се намали претпристапната помош на Турција
Германската канцеларка Ангела Меркел изјави дека состојбата со човековите права во Турција е неприфатлива и дека лидерите од Европската унија побарале од Европската комисија „на одговорен начин“ да го разгледа прашањето за намалување на претпристапната помош за Анкара.
Меркел ги повика своите колеги да го намалат финансирањето што ЕУ го планира за Турција во врска со нејзината кандидатура за влез во заедницата. Канцеларката беше поддржана од Белгија и Холандија.
Во изјава за медиумите, по синоќешната вечера на која лидерите разговараа за односите со Турција, Меркел рече дека сака заедничка позиција на ЕУ за пристапните разговори и дека дијалогот со Анкара треба да продолжи.
Таа додаде дека не предвидува преговори со Турција за проширување на царинската унија со ЕУ.
Австрискиот канцелар Кристијан Керн рече дека претпристапните фондови биле планирани да и помогнат на Турција да се доближи до европските стандарди за владеење на правото.
- Ова очигледно не беше успешно, изјави Керн и додаде дека е време да се преиспита тој концепт.
Ново на Сител
-
Најмногу дожд во Охрид во изминатите 24 часа
-
Украина побарала помош од САД за напади на територијата на Русија
-
Елегантни моторџии низ скопските улици во обид да ја подигнат свеста за машкото здравје
-
Лазарини: Од Рафа побегнаа 800.000 луѓе, нема безбедно место во Газа
-
Пронајдени телата на четворица мигранти, спасени 52 лица во близина на брегот на Тунис
-
Северозападна Индија ја зафати топлотен бран, температурата во Њу Делхи достигна 47,1 степен
-
Променливо облачно и нестабилно со пороен дожд и грмежи
-
Состојба на патиштатa