Меркел: Германија преговара со Турција да дозволи посета на пратеници на базата Инџирлик
Германија преговара со Турција да им биде дозволено на пратеници од Бундестагот да ги посетат 250-те германски војници, распоредени во турската воздухопловна база „Инџирлик“, изјави денеска германската канцеларка Ангела Меркел, која е во посета на Прага.
Според неа, војниците дејствуваат ефикасно од базата, како дел од коалицијата против Исламска држава и таа изрази надеж дека тие и во иднината ќе продолжат да го прават тоа.
Меркел го поздрави коментарот на Анкара дека „Инџирлик" истовремено е и објект на НАТО.
Пратеници од Бундестагот се заканија дека ќе ја прекинат воената мисија на Германија, ако турската страна не им дозволи да ја посетат базата. Во јуни, турските власти лути поради резолуцијата на Бундестагот, со која се признаа за геноцид убиствата на Ерменците во 1915 година, одби да овозможи пристап на германска парламентарна делегација до базата. Турција се закани дека нема да дозволи ваква посета, која беше предвидена за октомври.
Претходно денеска, германското Министерство за одбрана соопшти дека „Германија се уште сака нејзината армија да ја користи турската воздухопловна база Инџирлик за разузнавачки летови во борбата против „Исламска држава", но разгледува и алтернативни варијанти, поради спорот со Анкара.
Портпаролот на Министерството изјави дека вооружените сили испитуваат други опции за стационираните шест разузнавачки авиони, авионот цистерна и 250 војници, во случај германските пратеници да гласаат за прекин на користењето на базата во Турција, поради одбивањето на Анкара да им дозволи да ја посетат.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп