Меркел бара од Трамп поголема грижа за Балканот

Германската канцеларка Ангела Меркел побара од американскиот претседател Доналд Трамп, САД заедно со Европска унија, поактивно да се ангажираат во настаните на Балканот, кои се под силно влијание на Русија, објави српскиот весник „Блиц“.

Весникот повикувајќи се на неименуван извор наведува дека Меркел за нејзиното барање го известила српскиот премиер Александар Вучиќ на вчерашната средба во Берлин.

Според изворот, кој присуствувал на средбата, Меркел била загрижена поради постојаните тензии во Косово, Босна и Херцеговина и во Хрватска.

- Германија сака мир на Балканот и Берлин сериозно да се вклучи во процесот на помирување, истакнала Меркел на средбата со Вучиќ.