Ин мемориам: Почина познат македонски новинар

На 82 - годишна возраст во Велес почина Перо Трајков еден од доајените на македонското новинарство и пионер на дописничката мрежа на најстариот весник „Нова Македонија“.

Трајков зад себе остави богат новинарски опус на текстови од сите области на живеење на Велес во периодот од 1959-1999 година, се до неговото пензионирање. Во еден период беше и уредник на Општинското гласило „Вардарски глас“.

Добитник е на повеќе новинарски награди и признанија меѓу кои и највисоката награда на Општина Велес, 9-то Ноемвриската награда.

Трајков денеска беше погребан на Градските гробишта во Велес.