Мечка нападнала маж додека собирал печурки во прилепско, со тешки повреди пренесен во Скопје

Вчера во атарот на село Рилево, општина Долнени, повозрасен маж бил нападнат од мечка околу 10 часот наутро, додека собирал печурки.

Од нападот тој се здобил со тешки повреди.

Откако бил забележан од ловџии, веднаш бил пренесен во прилепската болница, а поради сериозноста на повредите подоцна бил транспортиран во клиниките во Скопје.