Маж со автомобил упадна во Апостолската палата на Ватикан - полицијата пукаше

Маж со автомобил синоќа го пробил обезбедувањето на капијата на Ватикан, стигнувајќи до централниот двор на Апостолската палата, по што и се предал на полицијата, соопшти денеска Ватикан.

Се додава дека припадник на швајцарската гарда пукал во автомобилот со пиштол.

Британските медиуми јавуваат дека зад воланот бил маж на околу 40 години и дека бил во „нестабилна психичка состојба“, како и дека не се приближил до зградата од другата страна на дворот каде што живее папата.