Мато Наполетано помеѓу најдобрите 50 пицерии во Европа, Скопје на гастрономска мапа на Европа

Вчеравечер на свечен настан во Театарот Сан Бабила во Милано беа доделени годишните награди за 50 најдобри пицерии во Европа.

За прв пат во историјата, еден македонски угостителски објект се најде помеѓу добитниците. 

Траторијата Мато Наполетано од Скопје која гурманите во регионот веќе ја знаат беше препознаена и од строгите меѓународни инспектори на топ 50 и се најде помеѓу европската елита.

Признанието го примија идејните творци позади брендот Мато Наполетано, Зоран Васиљевиќ и Дане Кузмановски. 

“Вистинско мерило за нашиот успех е задоволството на нашите гости, но и препознавање на високите стандади од експертите во оваа индустрија ни годи. Сега Скопје е на европската гастрономска мапа и тоа е наш допринос за градот во кој живееме”искоментира кратко во изјава по доделувањето.