Матилда Бајкова од Карпош, просветен работник на годината

Професорката  по  македонски јазик и литература Матилда Бајкова која предава во три училишта во општина Карпош  по повод Меѓународниот ден на учителот на 5 октомври доби признание „Просветен работник на годината за постигнати врвни резултати во остварувањето на целите и задачите на воспитно - образованата дејност за учебната 2016/2017“, соопштија од општина Карпош.

- Сојузот на просветни работници од Македонија и го додели ова признание на професорката за особен придонес во просветно- образованиот процес. Матилда Бајкова е специјалист за работа со деца со посебни образовни потреби. Таа е соработник и во многу научни трудови, учествувала на меѓународни симпозиуми од сферата на образованието и информатичката технологија во образованието, се вели во соопштението од општина Карпош.

Професорката Матилда Бојкова предава во ООУ „Јан Амос Коменски“, во ООУ „Аврам Писевски“ и во ООУ „Вера Циривири Трена“.

Признанието беше доделено минатата недела во Ликовниот салон „Бели мугри“ во Велес.