Масовен дочек на Нова година на автопат

Повеќе од 18.000 Италијанци планираат да ја дочекаат Нова година на едно одморалиште на автопатот низ северната италијанска провинција Ровиго.

Необичната покана беше објавена на Фејсбук од четворица пријатели до сите нивни познаници и наиде на голем одѕив и бројката достигна до 18.000 учесници.

Како место на средбата избран е „Аутогрил Ровиго“, каде ќе се слави со сендвичи и пијалоци од продавницата на бензиската пумпа.

Останува да се види дали „Аутогрил Ровиго“ на 31 декември ќе биде место за новогодишен собир за Гинис.