Марија Сердар со големо срце - Наградата ја подари на децата болни од аутизам

Победничката на „Ѕвездичките на Пинк“, Марија Сердар, докажа дека освен голем глас, има и големо срце.

Таа за српски Блиц откри дека својата награда ќе ја подари на децата со аутизам.

-Ваучерот на 100.000 динари за шопинг во една продавница за играчки решив да го подарам на Здружението „Аутизам, право на живот“, зашто сметам дека на нив им е попотребна отколку на мене, изјави Марија за Блиц.

Марија, која заслужено победи на натпреварувањето, вели дека се уште не е свесна за успехот кој го доживеа.