Манчини: На Интер му требаат неколку години да стане шампионски тим

Тренерот на Интер, Роберто Манчини изјави дека во моментов неговиот тим е далеку од конкурентен за титулите во Италија и Лигата на шампионите, а за да стигне до трофеј ќе му треба неколку години.

 

– Потребно е време да се направи победнички тим, а мислам дека Интер заостанува неколку години. Знаеме дека ќе биде потребно време и мораме да поминеме низ тешка ситуација, изјави Манчини.

 

Пред осум кола Интер беше лидер во Серија А, но оттогаш има остварено само две победи и падна на петтото место со 12 бодови негатива во однос на првопласираниот Јувентус.

 

Сепак Манчини е оптимист дека може да се обезбеди место во Лигата на шампионите следната сезона.

 

– Мора да продолжиме со напорна работа. Ни фали концентрација во одредени моменти и посмирена игра за да стигнеме до посакуваното трето место кое обезбедува учество во квалификациите од Лигата на шампионите, додаде предводникот на Интер.