Манчини е уверен дека Италија е заслужено во финалето на ЕВРО 2020

Селекторот на Италија, Роберто Манчини ги сподели своите впечатоци по синоќешниот натпревар од полуфиналето на ЕВРО 2020 против Шпанија (1:1, на пенали 4:2).

– Се стремевме кон финале, иако многу малку луѓе веруваа во тоа пред почетокот на турнирот. И честитам на репрезентацијата на Шпанија. Ова е одличен тим, а пеналите се лотарија. Ние заслужуваме да бидеме тука. Знаевме дека ќе биде тешко. Секој сака да победи, но нашиот тим сакаше да постигне нешто посебно, и го стори тоа. Овој состав е неверојатен, истакна Манчини.

Ривал на репрезентацијата на Италија ќе биде поуспешниот од мечот Англија – Данска закажан за вечер од 21 часот на „Вембли“ во Лондон.