Манчестер Сити го купи Едерсон за 40 милиони евра

 

Премиерлигашот Манчестер Сити  се засили со досегашниот голман на Бенфика, Едерсон, објавија денеска англиските медиуми. За овој трансфер клубот од „Етихад“ плати 40 милиони евра.

 

Од вкупната сума, половина средства се за португалскиот шампион, додека другата половина ќе ја поделат поранешниот клуб на Едерсон Рио Аве и неговите менаџери.

 

Бразилскиот голман по овој трансфер станува втор најскап голман во историјата, зад Џанлуиџи Буфон, кој го чинеше Јувентус 53 милиони евра при преселбата од Парма од 2001 година.

 

Доколку сумата се претвори во фунти, Едерсон е најскап голман во историјата, бидејќи неговиот трансфер е 34,9 милиони фунти наспроти 33 милиони на Буфон.