МАН ја осудува изјавата на Заев за медиумите
Македонската асоцијација на новинари (МАН) соопшти дека најостро ја осудува изјавата на претседателот на СДСМ Зоран Заев кој, се вели во соопштението, како свои политички непријатели ги легитимираше медиумите.
- Бараме од сите медиуми, посредникот Питер Ванхауте и ВМРО-ДПМНЕ веднаш и неодложно да ги напуштат политичките преговори за медиумите, бидејќи тоа е кроење на закони (според изјавата на Заев) со неговиот политички непријател. Уште еднаш повторуваме дека остануваме на повикот до нашите членки да не ги покриваат престојните вонредни избори, доколку продолжи ваквиот однос на опозицијата со директни закани, уцени и обид за замолчување, се вели во соопштението.
МАН бара СДСМ „сериозно да размисли за изјавите и постапките на својот претседател Зоран Заев“.
- Човекот кој бизнисот го претвори во рекет и корупција, политиката во лузерство, сега е во војна со медиумите и тоа отворено го признава. Бараме СДСМ да се огради од изјава на Заев и да започне постапка за негова смена. Доколку не го сторат тоа- освен бојкот на изборните активности, ќе ги повикуваме нашите членки да ја бојкотираат работата на СДСМ целосно. Истовремено, бараме итен состанок со амбасадорите на земјите членки на ЕУ и САД по оваа директна закана до медиумите од претседателот на СДСМ Зоран Заев, наведува МАН во соопштението.
Ново на Сител
-
Љутков даде отчет за сработеното во изминатата година
-
Рекордни 20 милијарди денари вложени во инфраструктура и локален развој
-
Мицкоски најавува данок за лица кои не се брак, вели вклучен е демографскиот аларм
-
Брзи гранични контроли на Табановце
-
Топлотен бран во Македонија до среда со температури над 40-от степен
-
ВМРО-ДПМНЕ во недела ќе го објави кандидатот за градоначлник на Скопје
-
Ѓорчев: Бришењето на македонски јазик е пораз за ЕУ, не за Македонија
-
Обвинение против полицајците за пожарот во „Пулс“, се очекува наесен