Малолетна тетовчанка е мајка на бебето оставено пред домот во Битола

Мајката на бебето кое беше оставено пред Домот за доенчиња во Битола била од Тетово, потврдуваат за „Слободен печат“ од полицијата во Битола. Таа е малолетна и за неколку месеци ќе наполни 18 години. Откако истрагата се прошири во другите градови полицијата откри дека бебето било родено во тетовска болница.

Првата трага за тоа на истрагата им беше штипката од папочната врца како и алката што бебето ја имало по породувањето

- Мајката за неколку месеци ќе направи 18 години , таа е од Тетово и целата работа околу овој случај ја презема Центарот за социјални работи Битола во соработка со Центарот во Тетово, потврдија од СВР-Битола за „Слободен печат“.

Во неделата ноќта бебе старо само неколку дена од две машки лица беше оставено во раце на битолчанец да го предаде во Домот за доенчиња во Битола. Тоа е згрижено и се наога во добра општиа состојба. Полицијата неколку дена трагаше по идентитетот на мајката. Зошто бебето е напуштено и тоа на ваков начин допрва ќе утврди истрагата, во меѓувреме полицијата најавува пријава против мајката и другите инволвирани лица за овој случај.