Макрон уште еднаш го повика Хамас да го прифати договорот за прекин на огнот
Францускиот претседател Емануел Макрон денеска го повика палестинското исламистичко движење Хамас, „чија одговорност е огромна“, да го прифати договорот за прекин на огнот предложен од неговиот американски колега Џозеф Бајден, соопшти Елисејската палата.
-Заложниците, вклучително и двајцата наши сонародници, мора конечно да бидат вратени на нивните семејства. Страдањето на Палестинците во Газа мора да заврши. Реформираната и зајакната палестинска управа мора да обезбеди управување со Газа и таа територија мора да стане составен дел на идната палестинска држава, рече Макрон во телефонскиот разговор со израелскиот премиер Бенјамин Нетанјаху.
Францускиот претседател ја изрази својата посветеност на безбедноста на Израел и повтори дека „Франција е решена да придонесе за мирот и безбедноста за сите“.
На 24 мај, Макрон разговараше за овие прашања со катарскиот премиер Мохамед бин Абделрахман Ал-Тани и министрите за надворешни работи на Саудиска Арабија, Египет и Јордан во Елисејската палата.
Францускиот претседател повика на „најголема воздржаност“ на границата меѓу Израел и Либан, каде што размената на оган е интензивирана во последните денови.
Ново на Сител
-
Гори шума над селото Нивичани, загрозени викенд куќички, интервенираат пожарникари
-
Во прекин сообраќајот на патниот правец Маврово - Дебар поради сообраќајка
-
Се трага по 16-годишно девојче во реката Вардар
-
Обвинетиот за обид за убиство на Трамп повторно пред суд, бара да се брани сам
-
Донесен Законот со кој секој студент ќе добие по 250 евра за електронски уред
-
Црна Гора се бори со пожари на неколку фронта, високи температури го отежнуваат гаснењето
-
Мртво деветмесечно бебе од село Сливник Велешко донесено во болница
-
Таеквондо натпреварувач од Грузија колабираше во пеколот во фискултурната сала