Макрон: Не сакаме да почнеме трета светска војна
Претседателот на Франција, Емануел Макрон синоќа изјави дека војната мора да заврши и оти Украина мора да биде во најдобра можна позиција за да отпочне преговори.
- Не сакаме да почнеме трета светска војна. Прекинот на огнот е тоа што овозможува најдобра хуманитарна ситуација и почеток на разговори што ќе овозможат решавање на територијалните прашања, изјави Макрон за ТФ1.
Тој најави дека санкциите воведени од западните сојузници би можеле да бидат применети „во следните неколку дена“.
- Не можам да ви кажам дали Владимир Путин ќе ја посети Турција. Чекаме одговор од Русија. Она што е во прашање во Украина е нашата безбедност. Сакаме прекин на огнот на копно, на море и во воздух во траење од 30 дена. Русија сака прекинот на огнот да се дискутира во Турција. Сакаме да спроведеме санкции против Русија во наредните денови, во договор со САД, посочи Макрон.
Тој нагласи дека првата гаранција за безбедноста е силна украинска армија.
Макрон посочи дека е подготвен повторно да разговара со рускиот претседател Владимир Путин по завршување на војната во Украина.
- За да ја одвратиме Русија од враќање во Украина за две или три години, ќе продолжиме да инвестираме … Во наредните години ќе мора да продолжиме да ја обучуваме, опремуваме и поддржуваме Украина за да има свои сили, наведе францускиот претседател.
Тој зборувајќи за европското нуклеарни одвраќање истакна дека Париз нема да плаќа за безбедноста на другите.
- Сакам да почнам дебата, но Франција нема да плаќа за безбедноста на другите, тоа нема да биде одземање од она што го имаме, а конечната одлука секогаш ќе биде на Франција. Подготвени сме да отвориме дискусија, особено за распоредување авиони вооружени со нуклеарни бомби во други европски земји, потенцира Макрон.
Ново на Сител
-
ЦУК: Активни три пожари, еден под контрола и еден изгаснат
-
FLEX CREDIT го зацврстува лидерството со рекордни резултати и 65 филијали низ Македонија
-
Мицкоски: Правиме гигантски чекори во економијата-раст на БДП меѓу 4 и 6 отсто во вториот квартал и историско зголемување на индустриското производство
-
Лишен од слобода битолчанец кај кого била пронајдена марихуана
-
Ѓорѓиевски: 2025 е најуспешната година за капитални инвестиции во историјата на Кисела Вода
-
Во кривопаланечкиот здравствен дом вработени нови 20 лица, од нив 7 лекари и 6 медицински сестри
-
Во националниот парк Шар Планина најдени незаконски исечени букови дрва за огрев
-
Коцевски: Нема политичко влијание врз мојата работа, но Обвинителството се соочува со сериозни предизвици