Македонски железници одбележува 144 години од основањето
Македонски железници бележи подобрување на обемот на работа, за 30 проценти е зголемен товарниот железнички превоз, а со зголемено темпо функционира и патничкиот сообраќај, по двонеделната блокада од страна на вработените во февруари годинава, изјави за МИА Игор Коруноски, в.д. директор на МЖ Транспорт.
По повод Денот на железничарите - 9 Април и 144 години од основањето на МЖ денеска железничкото претпријатие организираше прием за коминтентите, како и традиционални спортски игри за вработените.
Коруноски најави дека во текот на неделава вработените ќе го добијат вториот дел од платата за февруари, а целосно се исплатени надоместоците за поминат километар на машинскиот персонал.
- Во функција се и новите возови, кои веќе сообраќаат и на последната непокриена линијата со нив, Скопје-Гевгелија. Почнати се активности за дизјан и производство на новите четири електролокомотиви, кои треба да се набават од кинеска CSSR и треба да стасаат до крајот на годината. Во полна пареа се работи на обнова на депото за одржување и сервис на железничките возила во МЖ Транспорт, информира Коруноски.
Во февруари годинава во МЖ пристигна последниот од шесте нови патнички возови набавени од CSSR. Претходно возниот парк беше обновен и со 150 товарни вагони. Од 1312 товарни вагони во инвентарскиот парк на МЖ Транспорт моментно се работи со 600.
Вкупно во МЖ Транспорт, во МЖ инфраструктура и Колска Велес, кои ги сочинуваат Македонски железници, работат околу 3.000 лица.
На 9-ти април 1873 година од Солун во Велес пристигна првиот воз. Оттогаш 9-ти Април е прогласен за ден на македонските железничари.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп