Македонска Каменица работи на ДУП-ови за селските населби и градот

Македонска Каменица работи на урбанистичко планирање на општината со која ќе бидат опфатени и селските населби. Ова денеска го истакна градоначалникот Дарко Митевски кој потенцираше дека урбанистичките планови се работат со поддршка на Источно-планскиот регион.

- По донесување на ГУП на Општина Македонска Каменица, започнавме со изработување на ДУП-ови на селските населби и градот. Подготвуваме детални урбанистички планови за селата Дулица, Цера, Саса, Моштица, а по донесување на ГУП, почнавме со разработка на планови и за централното градско подрачје, рече Митевски.

ГУП на Општина Македонска Каменица е донесен пред неколку месеци и тој е со плански опфат од 200 хектари, а до крајот на оваа година се очекува да биде донесен еден ДУП за површина од 55 хекетари. Урбанистичките планови ги работи УРБАН ДОО Штип, а вредноста на изработка на урбанистичките планови е 1, 7 милиони денари.